Լուրերը մեկ տողով. ՊԵԿ-ը «Տաշիր»-ում ստուգումներ է արել, կեղծ VIN-ով մեքենաների գործ, ցմահ դատավճիռ

Անցած ժամվա լուրերը՝ հակիրճ և բովանդակային. 

• ՊԵԿ-ը հաստատում է՝ «Տաշիր գրուպ»-ում ստուգումներ են եղել, հայտնաբերվել են խախտումներ, բայց քաղաքական հրահանգ չի եղել։

 • Գոգավանի մաքսակետում կեղծ VIN-ով մեքենաների գործով բացահայտվել են խոշոր սխեմաներ, մեքենաները պահվում են Գյումրիում, կա քրեական վարույթ։

 • Ղարաբաղից տեղահանված 34,576 անձ արդեն ստացել է ՀՀ քաղաքացիություն, ևս շուրջ 1000 դիմում ընթացքի մեջ է, մերժումներ չեն եղել։  Տեղահանված 28 հազար անչափահասից մոտ 12 հազարը արդեն ստացել է ՀՀ քաղաքացիություն՝ ծնողների հիմքով։

 • Պապոյանը հայտարարում է՝ «TRIPP»-ն ու Հյուսիս-հարավը կիրականացվեն, ամեն ինչ ընթանում է ըստ պլանի։  Պապոյանի խոսքով՝ Հայաստանում ամենահարուստներն ունեն ամենամեծ պարտքերը, քանի որ բիզնեսը զարգացնում են վարկերով:  Պապոյանը վստահեցնում է՝ սխալ գործելու դեպքում պաշտոնյաները պատասխանատվության են ենթարկվում, ինքն իրեն սխալ չի համարում։ Էկոնոմիկայի նախարարը նշում է՝ անցել է վաճառողից մինչև նախարարի ճանապարհը՝ կրթության ու աշխատանքի շնորհիվ։

 • Փաստաբանը հերքում է՝ Բագրատ Սրբազանին վերագրվող գույքը երբևէ զորանոց չի եղել, այն ժառանգված «հատուկ նշանակություն» ունի ԽՍՀՄ-ից։

 • HSBC բանկի 2018-ի հարձակման գործով դատավճիռը վերջնական է՝ մեղադրյալը դատապարտվել է ցմահ ազատազրկման։

 • Իրանը կոչ է արել տարհանել Սադւդյան Արաբիայի, Կատարի և ԱՄԷ-ի նավթաքիմիական գործարանները։

 • Պեսկովը համաձայնել է Թրամփի գնահատականին՝ Սթարմերը Չերչիլ չէ, Մակրոնը՝ դը Գոլ։

 • YouTube-ը FIFA-ի հետ պայմանավորվել է՝ ԱԱ խաղերի առաջին 10 րոպեները կթողարկվեն հարթակում՝ երիտասարդներին ներգրավելու համար։