Ուժգին երկրաշարժ՝ Թուրքիայում

Թուրքիայի հյուսիսում գրանցվել է երկրաշարժ, որի մագնիտուդը գնահատվել է մինչև 5.6։ Այս մասին տեղեկացնում է Ռուսաստանի ԳԱ միասնական գեոֆիզիկական ծառայության Ալթայ-Սայանյան մասնաճյուղը։

Նրանց օպերատիվ տվյալների համաձայն՝ ստորգետնյա ցնցումը տեղի է ունեցել այսօր։ Երկրաշարժի էպիկենտրոնը գտնվել է Տոկատ նահանգի Էրբաա քաղաքից մոտ 18 կմ հյուսիս-արևելք՝ Սևծովյան տարածաշրջանում։

Մասնագետների գնահատմամբ՝ էպիկենտրոնում ցնցումների ինտենսիվությունը բնութագրվում է որպես «շատ ուժեղ»։ Միևնույն ժամանակ Եվրոպա-Միջերկրածովյան սեյսմոլոգիական կենտրոնը երկրաշարժի մագնիտուդը գնահատել է 5.3։

Եվրոպացի սեյսմոլոգների տվյալներով՝ երկրաշարժի օջախը գտնվել է մոտ 6 կիլոմետր խորության վրա։