Լուրերը մեկ տողով. Իրանը խոսում է կործանարար պատասխանների մասին. պատերազմի ազդեցությունը տարածաշրջանում

Անցած ժամվա լուրերը՝ հակիրճ և բովանդակային.

• Իրան․ խոսք կարող է լինել միայն պատասխան հարվածների մասին:  Իրանի ԱԳՆ խոսնակ Էսմայիլ Բաղային հայտարարել է, որ ագրեսիայի պայմաններում որևէ այլ թեմա քննարկելն անիմաստ է։

• Պենտագոն․ Իրանի դեմ արշավը դեռ ամբողջությամբ չի սկսվել:  Պենտագոնի ղեկավար Փիթ Հեգսեթը նշել է, որ ԱՄՆ-ը դեռ չի կիրառել իր ամբողջ ռազմական ներուժը։

• ԱՄՆ-ը սպառնում է հզոր հարվածներով:  Վաշինգտոնը հայտարարել է, որ պատրաստ է հարվածներ հասցնել Իրանի ռազմական թիրախներին և թույլ չի տա միջուկային ծրագրի իրականացում։

• Իրանը սպառնում է սփյուռքին ունեցվածքի բռնագրավմամբ:  ԱՄՆ-ին կամ Իսրայելին աջակցող արտասահմանաբնակ իրանցիները կարող են կորցնել իրենց ակտիվները։

• Խամենեիի մահից հետո որդին հայտարարվել է իրավահաջորդ: Իրանի գերագույն առաջնորդի իրավահաջորդ է նշանակվել նրա որդին՝ Մոջթաբա Խամենեին։ 

• Իսրայելը հարվածել է Բեյրութի հարավին: Լիբանանյան աղբյուրների փոխանցմամբ՝ Բեյրութի հարավային արվարձաններում նոր պայթյուններ են գրանցվել։

• Թիրախում «Հեզբոլա»-ի ֆինանսական կառույցներն են:  Իսրայելը հարվածել է «Հեզբոլա»-ի հետ կապված ֆինանսական կազմակերպության մասնաճյուղերին։

• Իրաքը ՖԻՖԱ-ից խնդրել է հետաձգել խաղը:  Մերձավոր Արևելքում պատերազմի պատճառով Իրաքը ցանկանում է հետաձգել ԱԱ փլեյ-օֆֆի հանդիպումը։

• Ֆոն դեր Լայեն․ ԵՄ-ն պետք է ավելի ուժեղ լինի:  Եվրահանձնաժողովի նախագահը հայտարարել է, որ ԵՄ-ն պետք է ավելի վճռական արձագանքի սպառնալիքներին։

• Հունգարիան զգուշացնում է Եվրոպային:  Բուդապեշտը հայտարարել է, որ ռուսական էներգիայի արգելքը կարող է լուրջ վնաս հասցնել եվրոպական տնտեսությանը։

• Շիրակի թեմի առաջնորդը դատի է տվել հոգևորականի:  Միքայել արքեպիսկոպոս Աջապահյանը հայց է ներկայացրել Տեր Արամ Ասատրյանի դեմ։

• Ռուսաստանը կարող է փոխարինել իրանական ապրանքներին Հայաստանում:  Ռուսական ընկերությունները պատրաստ են լրացնել շուկան, եթե Իրանից ներմուծումը նվազի։