Հասարակություն

Օտարերկրյա հեռարձակողների համար՝ սահմանվել են նոր խաղի կանոններ․ Մխիթար Հայրապետյան

Օտարերկրյա հեռարձակողների համար՝ սահմանվել են նոր խաղի կանոններ․ Մխիթար Հայրապետյան
ՀՀ Ազգային ժողովը 2025 թվականի մարտի 5-ին հավանություն է տվել «Տեսալսողական մեդիայի մասին» օրենքում փոփոխություններ և լրացումներ նախատեսող օրենքին, որից հետո շրջանառության մեջ է դրվել նույն օրենքի…

ՀՀ Ազգային ժողովը 2025 թվականի մարտի 5-ին հավանություն է տվել «Տեսալսողական մեդիայի մասին» օրենքում փոփոխություններ և լրացումներ նախատեսող օրենքին, որից հետո շրջանառության մեջ է դրվել նույն օրենքի փոփոխությունների երկրորդ փաթեթը։ Վերջինիս նախորդ շաբաթ առաջին ընթերցմամբ աջակցել է պատգամավորների մեծամասնությունը, և այն առաջիկայում կներկայացվի ԱԺ երկրորդ ընթերցման։ Այս մասին մամուլի ասուլիսի ընթացքում հայտնել է Բարձր տեխնոլոգիական արդյունաբերության նախարար Մխիթար Հայրապետյանը։


«Փոփոխությունների երկրորդ փաթեթում անդրադարձել ենք նաև եթերի բովանդակությանը, դրա նկատմամբ պատշաճ վերահսկողության իրականացմանը, բռնության, սահմանադրական կարգի տապալման և նմանօրինակ՝ դեռևս քրեական օրենսգրքով պատժելի արարքները հեռուստատեսալսողական բովանդակությամբ հանրությանը մատուցելու պարագայում պատասխանատվության շրջանակ ենք սահմանել թե՛ ցանցային օպերատորների, թե՛ հեռարձակողների համար:


Օտարերկրյա հեռարձակողների պարագայում ՀՀ ներքին քաղաքական կյանքին միջամտության դեպքում սահմանվել են նոր խաղի կանոններ»,-նշել է նա։


Հայրապետյանը հավելել է, որ ակնկալում են՝ օրենքը երկրորդ ընթերցմամբ և ամբողջությամբ կընդունվի և ուժի մեջ կմտնի առաջիկա ամիսներին։

Նմանատիպ հոդվածներ

Ավելին Հասարակություն բաժնից

AURORA TV

Դիտել ուղիղ եթեր

Արագ որոնում

Հանրաճանաչ թեմաներ

Հայաստան (7310) Միջազգային (3204) ԱՄՆ (2274) Ռուսաստան (2072) Իրան (1731) Ընտրություններ (1270) Ուկրաինա (817) Երևան (793) Իսրայել (757) Ադրբեջան (610) Փաշինյան (557) Եվրոպա (510) Ընդդիմություն (432) Թրամփ (426) Ազգային ժողով (395)

Radio Aurora

Լսել Radio Aurora

Գովազդային տարածք

300x250