Թրամփը խոստացել է Օրբանին աջակցել ընտրություններում
ԱՄՆ նախագահ Դոնալդ Թրամփը Հունգարիայի վարչապետ Վիկտոր Օրբանին անվանել է իսկական ընկեր, մարտիկ և հաղթող և խոստացել իր աջակցությունը առաջիկա խորհրդարանական ընտրություններում։
Թրամփը փետրվարի 5-ին արդեն իսկ աջակցություն էր հայտնել Օրբանի վարչապետի պաշտոնում թեկնածությանը՝ նշելով, որ հպարտ է նրան աջակցել 2022 թվականին։
«Նա երբեք չի հիասթափեցնի Հունգարիայի մեծ ժողովրդին։ Վիկտոր Օրբանը իսկապես ուժեղ առաջնորդ է, որն արդեն ապացուցել է, որ կարող է հասնել ֆենոմենալ արդյունքների։ Նա անխոնջ պայքարում է իր մեծ երկրի և ժողովրդի համար, և նա սիրում է նրանց այնքան, որքան ես սիրում եմ Ամերիկայի Միացյալ Նահանգները», - գրել է Թրամփը իր սոցիալական ցանցի՝ Truth Social-ի էջում։
Հունգարիայում խորհրդարանական ընտրությունները կկայանան ապրիլի 12-ին։
