5+4 միլիարդ դոլարի նախագիծ, առանց սակագնի հաշվարկի․ Շոյգուն՝ ամերիկյան առաջարկի մասին

Հայաստան կատարած այցի ժամանակ ամերիկացիները հայտարարեցին, որ 5 միլիարդ դոլար կծախսեն ատոմակայանի կառուցման և ևս 4 միլիարդ դոլար՝ սպասարկման վրա, սակայն նրանք չկարողացան տրամադրել արտադրված էներգիայի մեկ մեգավատ/ժամի համար նույնիսկ մոտավոր գին: Այս մասին «ՌԻԱ Նովոստի»-ին ասել է Ռուսաստանի Անվտանգության խորհրդի քարտուղար Սերգեյ Շոյգուն։

«Սա հատուկ ուշադրություն է պահանջում։ Եթե խոսքը NuScale Power-ի 77 մեգավատ հզորությամբ մոդուլների մասին է, ապա հենց էներգիայի բարձր արժեքն էր, որ հանգեցրեց Յուտայում նրա նախագծի ձախողմանը։ Նույնիսկ նախապատրաստական ​​փուլում արժեքը 1,5 անգամ աճեց, և նախատեսված էներգիայի արտադրության գինը 58 դոլարից բարձրացավ մինչև 89 դոլար մեկ մեգավատ-ժամի համար, ինչը հանգեցրեց դրա փակմանը 2023 թվականին»,- ասել է Շոյգուն։

Ռուսաստանի անվտանգության խորհրդի քարտուղարը նշել է, որ այս թվերը նշվել են միայն պլանավորման փուլում, և վերջնական արժեքը զգալիորեն ավելի բարձր կլիներ։