«Հայ ռազմական հանցագործներին ներում շնորհելն անհնար է». Ալիևը՝ հայ գերիների մասին

Արցախի ռազմաքաղաքական ղեկավարության մասին է խոսել Ալիևը, France 24-ին հետ հարցազրույցում: Ադրբեջանի նախագահը Բաքվում տեղի ունեցած շինծու դատավարությունը համեմատել է Նյուրնբերգյան դատավարությունների հետ, ու  ասել է, որ  ներում շնորհելն անհնար է: 

«Այս անձինք լուրջ հանցագործություններ են կատարել մարդկության դեմ»։

Մեկնաբանելով «էջը շրջելու» և նրանց ներում շնորհելու կոչերը՝ Ալիևը մերժել է նման հնարավորությունը և ընդգծել, որ, իր կարծիքով, իբր հայերի «հանցագործությունները» նույնիսկ ավելի լուրջ էին, քան նացիստների կողմից Երկրորդ համաշխարհային պատերազմի ժամանակ կատարվածները։

Նա նշել է, որ օգոստոսյան Սպիտակ տան գագաթնաժողովից հետո Հայաստանի հետ «խաղաղություն է ձեռք բերվել», և իր իր համար հարցը փակված է

Ալիևը վստահություն է հայտնել TRIPP նախագծի իրականացման հարցում՝ ճանապարհային և երկաթուղային կապ Հայաստանի միջով, որը Նախիջևանի Ինքնավար Հանրապետությունը կկապի Եվրոպայի հետ։

«Ես կասկած չունեմ, որ դա տեղի կունենա», - ասել է նա։