Ուկրաինան կկանգնի գոյատևման լուրջ սպառնալիքի առաջ․ Գերմանիայի ՊՆ
Գերմանիայի պաշտպանության նախարար Բորիս Պիստորիուսը հայտարարել է, որ Ուկրաինայի նկատմամբ Գերմանիայի աջակցության բացակայությունը կարող է լուրջ հետևանքներ ունենալ։ Նրա խոսքով՝ Բեռլինը պարտավոր է շարունակել աջակցությունը Կիևին, նույնիսկ եթե դա պահանջում է զգալի ֆինանսական ծախսեր։
Պիստորիուսը նշել է, որ նման աջակցության չտրամադրումը կունենա երկու հիմնական հետևանք։ Առաջինը՝ Ուկրաինան կարող է կանգնել գոյատևման լուրջ սպառնալիքի առաջ, իսկ երկրորդը՝ այդ դեպքում Գերմանիայի և ամբողջ Եվրոպայի համար ծախսերը հետագայում կլինեն զգալիորեն ավելի բարձր, քան ներկայիս օգնության ծավալները։
Նախարարը նաև ընդգծել է, որ Գերմանիան Եվրոպայի ամենամեծ տնտեսությունն է և աշխարհում զբաղեցնում է երրորդ հորիզոնականը։ Նրա խոսքով՝ այդ կարգավիճակը ենթադրում է համապատասխան պատասխանատվություն միջազգային անվտանգության և կայունության հարցերում։
