Թրամփն այդ երկրներին կստիպի կատարել իրենց պարտավորությունները․ Politico

ԱՄՆ նախագահ Դոնալդ Թրամփը հայտարարել է, որ կարող է «շատ հեշտությամբ» օգնել լուծել ՄԱԿ-ի ֆինանսական խնդիրները, եթե կազմակերպության ղեկավարությունը նման խնդրանք ներկայացնեն։ Այս մասին նա ասել է Politico-ին տված հարցազրույցում՝ անդրադառնալով ՄԱԿ-ի անդամ երկրների կուտակված պարտքերին։

Թրամփի խոսքով՝ անհրաժեշտության դեպքում նա կարող է ստիպել այն երկրներին, որոնք չեն կատարում իրենց ֆինանսական պարտավորությունները ՄԱԿ-ի նկատմամբ, վճարել սահմանված գումարները։ Նա հիշեցրել է, որ իր նախագահության ընթացքում կարողացել է հասնել ՆԱՏՕ-ի անդամ պետությունների կողմից պաշտպանության ծախսերի ավելացմանը։

Ավելի վաղ The New York Times-ը, հղում անելով ՄԱԿ-ի բարձրաստիճան ներկայացուցիչներին, գրել էր, որ կազմակերպությունը կարող է կրճատել իր գործունեության ծավալները կամ նույնիսկ փակել Նյու Յորքում գտնվող գլխավոր շենքը՝ ֆինանսական միջոցների սպառման դեպքում։ Թրամփը մերժել է այդ հնարավորությունը՝ ընդգծելով, որ ՄԱԿ-ը մեծ ներուժ ունի և չի լքի Նյու Յորքը։