Ռուսաստանը բենզինի, դիզելային վառելիքի և այլ վառելիքների արտահանման նոր ժամանակավոր արգելք է սահմանել

ՌԴ կառավարությունը մինչև 2026 թվականի հուլիսի 31-ը բենզինի, դիզելային վառելիքի և այլ վառելիքների արտահանման նոր ժամանակավոր արգելք է սահմանել։ Սակայն, ըստ կառավարության կայքում տեղադրված հայտարարության, այն այլևս չի տարածվի նավթամթերքի անմիջական արտադրողների վրա։

Արտահանման արգելքը նախատեսված է վառելիքի ներքին շուկայում կայունությունը պահպանելու համար։ Սակայն, նավթամթերք արտադրողներին բացառելը կօգնի կանխել նավթային ընկերությունների արտադրական հզորությունների գերբեռնվածության ռիսկը, ընդգծել է կառավարությունը։

Հրամանագիրն ուժի մեջ է մտնում պաշտոնական հրապարակման օրվանից։

2025 թվականի վերջին բոլոր արտահանողների (արտադրողների և ոչ արտադրողների) համար բենզինի արտահանման արգելքը երկարաձգվեց մինչև մարտ։ Կառավարությունը նաև երկարաձգեց դիզելային վառելիքի արտահանման արգելքը ոչ արտադրողների՝ առևտրականների, նավթամբարների և տարեկան 1 միլիոն տոննայից պակաս վառելիք արտադրողականություն ունեցող կազմակերպությունների համար։