Մասկը հայտարարել է, որ բազմիցս մերժել է Էփշտեյնի կղզի այցելելու հրավերները
Ամերիկացի ձեռնարկատեր Իլոն Մասկը ֆինանսիստ Ջեֆրի Էփշտեյնից բազմաթիվ հրավերներ է ստացել այցելելու իր կղզին։ Գործարարը այս մասին գրել է իր սոցիալական ցանցի էջում։
Միլիարդատերը պարզաբանել է, որ սահմանափակ շփում է ունեցել հայտնի ֆինանսիստի հետ։ Սակայն նա մերժել է կղզի այցելելու բոլոր հրավերները։
«Ես լիովին գիտակցում էի, որ որոշ էլեկտրոնային նամակագրություններ կարող են սխալ մեկնաբանվել և օգտագործվել չարամիտների կողմից՝ իմ անունը արատավորելու համար», - գրել է Մասկը։
Էփշտեյնը ձերբակալվել է 2019 թվականին՝ սեռական շահագործման նպատակով մարդկանց թրաֆիքինգի կասկածանքով։ Ավելի ուշ հաղորդվել է նրա մահվան մասին բանտում։ Պարզվել է, որ նա ինքնասպան է եղել։
Անցյալ տարվա դեկտեմբերին ԱՄՆ Արդարադատության նախարարությունը հրապարակել է Էպշտեյնի գործին վերաբերող որոշ փաստաթղթեր։ Գերատեսչությունն իր կայքում ստեղծել է առանձին էջ՝ նվիրված այդ նյութերին։
Այնուհետև հրապարակված նյութերում հայտնաբերվել են ԱՄՆ նախկին նախագահ Բիլ Քլինթոնի, ինչպես նաև երաժիշտներ Մայքլ Ջեքսոնի և Միք Ջագերի լուսանկարներ։
