Ինդոնեզիայում սողանքի հետևանքով զոհերի թիվը հասել է 49-ի
Ինդոնեզիայում տեղի ունեցած սողանքի հետևանքով զոհվել է առնվազն 49 մարդ, իսկ 15-ը՝ անհետ կորած, հայտնել է Reuters-ը։
Սողանքը տեղի է ունեցել Ինդոնեզիայի Բանդունգ Բարատ շրջանի Պասիր Լանգու գյուղի մոտակայքում։ Աղետը առաջացել է ուժեղ անձրևներից։
Գործակալության տվյալներով՝ զոհվածների թվում են 23 զինվորներ, որոնք այդ պահին անցնում էին սահմանային պարեկային պատրաստություն։
Ինդոնեզիայում սողանքի մասին հաղորդվել է հունվարի 24-ին։ Ավելի վաղ Ինդոնեզիայի օդերևութաբանական գործակալությունը զգուշացրել էր տարածաշրջանում մեկ շաբաթ տևող ուժեղ անձրևների մասին։ Հորդառատ անձրևներից առաջացած սողանքը տեղի է ունեցել Ջակարտայից մոտավորապես 100 կիլոմետր հարավ-արևելք գտնվող բլրոտ տեղանքում գտնվող Պասիր Լանգու գյուղում։ Աղետը ոչնչացրել է ավելի քան 30 տուն։
