ՄԱԳԱՏԷ-ն արտակարգ նիստ է գումարում՝ Ուկրաինայում միջուկային անվտանգության պատճառով

ՄԱԳԱՏԷ-ն արտակարգ նիստ է գումարում՝ Ուկրաինայում միջուկային անվտանգության արագ վատթարացման պատճառով։ Այս մասին գրում է Bloomberg-ը։

ՄԱԿ-ի Ատոմային էներգիայի միջազգային գործակալությունը (ՄԱԳԱՏԷ) Վիեննայում իր կառավարիչների խորհրդի արտակարգ նիստ է գումարել՝ Ուկրաինայում միջուկային անվտանգության իրավիճակի արագ վատթարացման պատճառով։ Պատճառը Ռուսաստանի կողմից երկրի էլեկտրացանցին հասցված զանգվածային հարվածներն են, որոնք երեք գործող ատոմակայաններ (Ռիվնե, Խմելնիցկի և Յուժնոուկրաինսկա) զրկում են կայուն արտաքին էլեկտրամատակարարումից։

ՄԱԳԱՏԷ-ում Նիդեռլանդների դեսպան Պիտեր Պոտմանը, որը խնդրել էր գործակալության կառավարիչների խորհրդի արտակարգ նիստը, հայտարարել է, որ միջուկային վթարի հեռանկարը «բառացիորեն իրականության շեմին է»։

«Այս ենթակառուցվածքին հասցված ցանկացած վնաս խաթարում է միջուկային անվտանգությունը և պետք է կանխվի։ Բոլոր ջանքերը պետք է ուղղված լինեն էլեկտրաէներգիայի անխափան և անվտանգ մատակարարման ապահովմանը», - ասել է ՄԱԳԱՏԷ-ի գլխավոր տնօրեն Ռաֆայել Գրոսին։

ՄԱԳԱՏԷ-ի տեսուչները ներկայումս տեղում ստուգումներ են անցկացնում էլեկտրակայանների կախված հիմնական ենթակայաններում։ Նրանք հատուկ ուշադրություն են դարձնում 10 կարևոր բաղադրիչների, քանի որ դրանց խափանումը կարող է հանգեցնել համազգային էլեկտրաէներգիայի անջատման և ռադիոլոգիական արտակարգ իրավիճակի։