Հայաստանը՝ ֆրանսիական ամսագրում

Հայաստանը ներկայացված է ֆրանսիական Le Courrier de l’Atlas ամսագրում։ Այս մասին հայտնում են Զբոսաշրջության կոմիտեից:

«ՀՀ ԷՆ Զբոսաշրջության կոմիտեի կողմից կազմակերպված 2025 թվականի ճանաչողական այցի շրջանակում Հայաստան այցելեցին ֆրանսիացի լրագրողներ, ովքեր արդեն հրապարակում են հոդվածներ՝ ներկայացնելով իրենց տպավորությունները մեր երկրի մասին։

Le Courrier de l’Atlas ամսագրի լրագրող Ֆաթմա Թորխանիի հեղինակած նյութը գեղեցիկ կերպով բացահայտում է Հայաստանի քրիստոնեական էությունը, ընդգծելով դրա պատմական նշանակությունն ու կարևոր դերը երկրի մշակութային և հոգևոր կյանքում մինչ այսօր։

Հատկանշական է, որ Հայաստանի լուսանկարը տեղ է գտել նաև ամսագրի շապիկին»,- նշված է հայտրարության մեջ։