Հասարակություն

Երևանում նախատեսվում է ձեռք բերել օդի որակի նոր դիտակայան. ՇՄ նախարար

Երևանում նախատեսվում է ձեռք բերել օդի որակի նոր դիտակայան. ՇՄ նախարար
Հայաստանում օդի որակի մոնիթորինգի դիտակայանի ձեռքբերման նպատակով առաջիկա ամիսներին նախատեսվում է մրցույթ հայտարարել։ «Արմենպրես»-ի հաղորդմամբ՝ այդ մասին 2025 թվականի արդյունքներն ամփոփող ասուլիսի…

Հայաստանում օդի որակի մոնիթորինգի դիտակայանի ձեռքբերման նպատակով առաջիկա ամիսներին նախատեսվում է մրցույթ հայտարարել։ «Արմենպրես»-ի հաղորդմամբ՝ այդ մասին 2025 թվականի արդյունքներն ամփոփող ասուլիսի ընթացքում հայտնել է շրջակա միջավայրի նախարար Համբարձում Մաթևոսյանը։


Նախարարը հիշեցրել է, որ մթնոլորտային օդի որակի մոնիթորինգի համակարգի արդիականացման նպատակով Շրջակա միջավայրի նախարարության և Ճապոնիայի կառավարության միջև ստորագրվել է դրամաշնորհի տրամադրման համաձայնագիր, որի շրջանակում նախատեսվում է ձեռք բերել ևս երեք դիտակայանի համար նախատեսված ժամանակակից ավտոմատ սարքավորումներ և տեղադրել դրանք Երևանում։


Մաթևոսյանի խոսքով՝ ևս մեկ դիտակայան, որը կֆինանսավորվի պետական բյուջեից, նախատեսվում է ձեռք բերել ընթացիկ տարում։ Նա նշել է, որ մրցույթի հայտարարումը նախատեսվում է առաջիկա ամիսներին։


Նախարարը հավելել է, որ Ճապոնիայի կառավարության կողմից տրամադրվող երեք դիտակայանների և պետական բյուջեից ձեռք բերվող սարքավորման շնորհիվ Երևանում ընդհանուր առմամբ կգործի վեց դիտակայան, ինչը կապահովի օդի որակի ամբողջական մոնիթորինգի հնարավորություն։

Նմանատիպ հոդվածներ

Ավելին Հասարակություն բաժնից

AURORA TV

Դիտել ուղիղ եթեր

Արագ որոնում

Հանրաճանաչ թեմաներ

Հայաստան (7323) Միջազգային (3210) ԱՄՆ (2276) Ռուսաստան (2075) Իրան (1731) Ընտրություններ (1270) Ուկրաինա (817) Երևան (794) Իսրայել (757) Ադրբեջան (610) Փաշինյան (557) Եվրոպա (510) Ընդդիմություն (434) Թրամփ (427) Ազգային ժողով (396)

Radio Aurora

Լսել Radio Aurora

Գովազդային տարածք

300x250