ԱՄՆ-ն երբեք ՆԱՏՕ-ի կարիքը չի ունեցել․ Թրամփ
ԱՄՆ նախագահ Դոնալդ Թրամփը հայտարարել է, որ ԱՄՆ-ն «երբեք ՆԱՏՕ-ի կարիքը չի ունեցել»։
Ավելի վաղ Դավոսի ֆորումում Թրամփը հայտարարել է, որ ԱՄՆ-ն իրականում «ոչինչ» չի շահել դաշինքից։ «Բացի Եվրոպան Խորհրդային Միությունից, իսկ հիմա՝ Ռուսաստանից պաշտպանելուց։ Այսինքն՝ մենք նրանց օգնել ենք այդքան տարիներ, և դրանից ոչինչ չենք ստացել», - ասել է Սպիտակ տան ղեկավարը։
Մեկ օր առաջ Financial Times-ը և The Washington Post-ը՝ հղում անելով աղբյուրներին, հաղորդել էին, որ ԱՄՆ-ն 200 զինվորական է դուրս բերելու ՆԱՏՕ-ից և դրա խորհրդատվական խմբերից, քանի որ Պենտագոնը ձգտում է կրճատել իր ներկայությունը Եվրոպայում, հիմնականում Գրենլանդիայի շուրջ առկա անհամաձայնությունների ֆոնին։
