Թրամփի ինքնաթիռը թռիչքից հետո վերադարձել է բազա՝ տեխնիկական անսարքության պատճառով
ԱՄՆ նախագահ Դոնալդ Թրամփի ինքնաթիռը տեխնիկական անսարքության պատճառով թռիչքից հետո ստիպված է եղել վերադառնալ Էնդրյուսի համատեղ բազա։ Ըստ Reuters-ի՝ հղում անելով Սպիտակ տան հայտարարությանը, անձնակազմը հայտնաբերել է «աննշան էլեկտրական անսարքություն» և որոշել է փոխել ինքնաթիռը՝ զգուշության նկատառումներից ելնելով։
Թրամփը մեկնում էր Դավոս՝ Համաշխարհային տնտեսական ֆորումին մասնակցելու համար։ Էնդրյուսում վայրէջք կատարելուց հետո նա տեղափոխվել է մեկ այլ ինքնաթիռ՝ թռիչքը շարունակելու համար։ Վարչակազմը ընդգծել է, որ միջադեպը չի ազդել նախագահի ժամանակացույցի վրա։
