Մակրոնը կմերժի Թրամփի՝ «Խաղաղության խորհրդին» միանալու հրավերը

Ինչպես հաղորդում է Bloomberg-ը Մակրոնը կմերժի Թրամփի «Խաղաղության խորհրդին» միանալու հրավերը։

Խաղաղության խորհուրդը ստեղծվել է որպես միջազգային մարմին՝ հրադադարից հետո Գազայի հատվածը կառավարելու համար։ Դրա կանոնադրությունը նկարագրում է այն որպես «միջազգային կազմակերպություն, որը ձգտում է խթանել կայունությունը, վերականգնել առողջ և օրինական կառավարումը և ապահովել երկարատև խաղաղություն հակամարտությունից տուժած կամ սպառնալիքի տակ գտնվող տարածքներում»։

ԱՄՆ վարչակազմի մի շարք պաշտոնյաներ արդեն միացել են կառույցին։ Մի շարք համաշխարհային առաջնորդներ նույնպես ստացել են միանալու հրավերներ։

Թրամփը կգլխավորի Խորհուրդը, և երկրները պետք է վճարեն առնվազն 1 միլիարդ դոլար ցմահ անդամակցության համար։