Թուրքիայի շահերից է բխում, որ Իրանը լուծի իր խնդիրները միջազգային դերակատարների հետ. Ֆիդան

Անկարան հատուկ նշանակություն է տալիս տարածաշրջանային կայունությանը և անվտանգությանը: Այս մասին լրագրողներին ասել է Թուրքիայի արտգործնախարար Հաքան Ֆիդանը։

«Մեր տարածաշրջանը բախվում է բազմաթիվ մարտահրավերների, որոնք ժառանգվել են անցյալից և զարգացել են ժամանակի ընթացքում։ Դրանցից մեկը Իրանի նկատմամբ տարիներ շարունակ կիրառվող պատժամիջոցներն են, ինչպես նաև որոշակի քաղաքական տարաձայնություններ։ Մենք Իրանի հետ ունենք դարեր շարունակ անփոփոխ մնացած սահման, և մենք ունենք սերտ առևտրային և սոցիալական կապեր։ Հետևաբար, այդ երկրում տեղի ունեցող ամեն ինչ ուղղակիորեն վերաբերում է մեզ։ Մենք ուշադիր հետևում ենք այս զարգացումներին», - նշել է նախարարը։

Ֆիդանը նաև ընդգծել է, որ Թուրքիայի շահերից է բխում, որ Իրանը լուծի իր խնդիրները միջազգային դերակատարների հետ և կանխի անկայունությունը։

«Մեր առաջնահերթությունն է կանխել ուժի կիրառման հանգեցնող իրավիճակը։ Մենք վճռականորեն ցանկանում ենք, որ խնդիրները լուծվեն երկխոսության միջոցով», - ասել է նա։