Հնդկաստանում 103–ամյա կինը «վերակենդանացել է» իր թաղումից առաջ

Հնդկաստանի Մահարաշտրա նահանգում 103-ամյա Գանգաբային «կենդանացրել է» իր սեփական հուղարկավորության ժամանակ՝ զարմացնելով հավաքված հարազատներին, ովքեր նրան մահացած էին համարում։ Անսովոր իրադարձությունը համընկել է նրա ծննդյան օրվա հետ, և ընտանիքը այն նշել է որպես իսկական հրաշք։

Նա հագած էր հուղարկավորության սարի, և հավաքված հարազատներն արդեն սպասում էին դագաղատարի ժամանմանը, երբ տեղի ունեցավ անհավանականը. նա սկսեց կենդանության նշաններ ցույց տալ։

Այս անսպասելի «հարությունից» հետո Գանգաբայի ընտանիքը լի էր ուրախությամբ, և շատերը դա ընկալեցին որպես իսկական հրաշք։ Սգի փոխարեն նրա հարազատները ոգևորությամբ նշել են նրա 103-ամյակը։

103-ամյա կինը երկու ամիս անկողնուց վեր չէր կացել։ Վերջին օրերին նա ոչինչ չէր ուտում և գրեթե ոչինչ չէր խմում։ Երբ նա դադարեց շարժվել, հարազատները ենթադրեցին, որ կինը մահացել է։

Բժիշկները հաստատե՞լ էին երկարակյաց կնոջ մահը, թե ոչ, սակայն ընտանիքը սկսել է պատրաստվել հուղարկավորությանը։