Վագիֆ Խաչատրյանի քրոնիկ հիվանդության թեթև սրացում ունենք. ԲԿ-ի տնօրեն
Բաքվի գերությունից այսօր վերադարձած Վագիֆ Խաչատրյանի քրոնիկ հիվանդության թեթև սրացում ունենք։ Այս մասին լրագրողների հետ զրույցումա հյատնել է «Նորք-Մարաշ» բժշկական կենտրոն ՓԲԸ-ի տնօրեն է Միքայել Ադամյանը։
«Պացիենտի մոտ վերջին 15 տարվա ընթացքում առկա է քրոնիկ հիվանդություն։ Ստեփանակերտում պարբերաբար ստուգվել է, հայտնաբերվել է այդ խնդիրը։ Այժմ ունենք տվյալ իրավիճակի թեթև սրացում, այդ պատճառով կգտնվի կլինիկայում, կիրականացվեն համապատասխան հետազոտություններ և ըստ վիճակի կհասկանանք»,- ասել է նա։
Հիշեցնենք՝ ՀՀ վարչապետ Նիկոլ Փաշինյանը գրառմամբ տեղեկացրել է, որ Ադրբեջանում պահվող 4 հայեր՝ Գեւորգ Սուջյանը, Դավիթ Դավթյանը, Վիգեն Էուլջեքջյանը եւ Վագիֆ Խաչատրյանը Հակարի կամրջով Ադրբեջանի Հանրապետության համապատասխան մարմինների ներկայացուցիչների կողմից հանձնվեցին Հայաստանի Հանրապետության համապատասխան մարմինների ներկայացուցիչներին։
