Դանիան աջակցել է ԱՄՆ-ին ռուսական «Մարիներ» լցանավը գրավելու հարցում

Դանիան աջակցել է ԱՄՆ-ին Ատլանտյան օվկիանոսում «Մարիներ» նավթային լցանավը գրավելու հարցում, գրում է Newsmax-ը: Դա տեղի է ունեցել, չնայած Թրամփի վարչակազմի մտադրությանը՝ ձեռք բերել Դանիայի մի մասը՝ Գրենլանդիան միացնել ԱՄՆ-ին, որը Թագավորության կիսաինքնավար տարածքն է։

Ամերիկացի պաշտոնյաներից մեկի խոսքով՝ ՆԱՏՕ-ի դաշնակիցների ջանքերը վճռորոշ նշանակություն ունեն ԱՄՆ-ի գործողությունների հաջողության համար, ուստի Դանիայի և ԱՄՆ-ի համագործակցությունը սովորական պրակտիկա է համարվում Հյուսիսատլանտյան դաշինքի ներսում:

Չնայած համագործակցությանը՝ Թրամփը հետ չի կանգնի Գրենլանդիայի վերաբերյալ ունեցած իր մտադրություններից։ Նա մեկնաբանել է վարչապետ Մետե Ֆրեդերիկսենի հայտարարությունն այն մասին, որ կղզին ցանկանում է մնալ Դանիայի կազմում:

«Դա նրանց խնդիրն է։ Ես համաձայն չեմ նրա հետ։ Ես նույնիսկ չգիտեմ, թե ով է նա, Ես ոչինչ չգիտեմ նրա մասին», - ասել Է Թրամփը լրագրողներին։