Չեղարկվել է Կրասնոդար-Երևան չվերթը
Կրասնոդար-Երևան չվերթը չեղարկվել է ռուսական օդանավակայանի ժամանակավոր փակման պատճառով։ Երևանի «Զվարթնոց» օդանավակայանի առցանց թռիչքների ցուցատախտակի տվյալներով՝ չեղարկվել է «Աէրոֆլոտ» ավիաընկերության կողմից իրականացվող չվերթը։
Օդային տրանսպորտի դաշնային գործակալության փոխանցմամբ՝ Կրասնոդարում սահմանվել են ինքնաթիռների ժամանման և մեկնման ժամանակավոր սահմանափակումներ՝ թռիչքների անվտանգությունն ապահովելու նպատակով։
Բացի այդ, չեղարկվել է նաև «Red Wings» ավիաընկերության կողմից իրականացվող Սոչի-Երևան չվերթը։
