ԱՄՆ ներքին անվտանգության հարյուրավոր սպաներ կուղարկվեն Մինեսոտա

ԱՄՆ ներքին անվտանգության նախարարությունը հարյուրավոր սպաներ է ուղարկում Մինեսոտա, ասել է նախարար Քրիստի Նոեմը։ Այս մասին հայտնում է Reuters գործակալությունը

Նրա պնդմամբ՝ որոշումը կայացվել է այն բանից հետո, երբ տասնյակ հազարավոր մարդիկ Մինեապոլիսում սկսեցին զանգվածային բողոքի ցույցեր անցկացնել, ԱՄՆ ներգաղթի և մաքսային ոստիկանության (ICE) գործակալի կողմից 37-ամյա կնոջ՝ Ռենե Գուդի սպանության համար։ 

Նախարարի խոսքով՝ մոտ 2000 դաշնային սպա արդեն ուղարկվել է Մինեապոլիս-Սուրբ Պողոս մետրոպոլիտենային տարածք։ ԱՄՆ ներքին անվտանգության նախարարությունը, նման քանակի ծառայողների ներգրավումն անվանել է  պատմության մեջ «ամենամեծ գործողությունը»:

Հավելենք՝ Նյու Յորքում հազարավոր մարդիկ փակել էին փողոցներ, խանգարելով երթևեկությանը, միաժամանակ վանկարկելով՝ «Դոնալդ Թրամփը պետք է հեռանա»։

Հիշեցնենք՝ ավելի վաղ հայտնել էինք, որ Միացյալ Նահանգներում շարունակվում են լայնածավալ բողոքի ցույցերը։