Հռոմի պապը կոչ է արել. անհապաղ դադարեցրեք բռնությունը և արդար պայքարեք
Հռոմի պապ Լևոն XIV-ը կոչ է արել ընդլայնել երկխոսությունը՝ հաշվի առնելով Իրանում և Սիրիայում տեղի ունեցած վերջին իրադարձությունները, ինչպես նաև ակտիվացնել ջանքերը Ուկրաինայում խաղաղության հասնելու համար։ Այս մասին փոխանցում է APA լրատվական գործակալությունը:
Նրա խոսքով՝ միայն շարունակական շփման և փոխըմբռնման միջոցով հնարավոր է հաղթահարել առկա ճգնաժամերը։
Անդրադառնալով Ուկրաինայում ստեղծված իրավիճակին՝ Հռոմի պապը մատնանշեց երկրի էներգետիկ ենթակառուցվածքների վրա զանգվածային հարձակումները՝ նշելով, որ դրանք տեղի են ունենում խիստ ձմռան կեսին։
Նրա խոսքով՝ քաղաքացիական բնակչության համար սա նշանակում է գոյատևման պայքար մթության և ցրտի մեջ։ Լևոն XIV-ը կրկին կոչ է արել «անհապաղ դադարեցնել բռնությունը և արդար պայքարել՝ հանուն խաղաղության»։
