Զախարովան նշել է Ուկրաինայում խաղաղ կարգավորման պայմանները
Ուկրաինայում խաղաղ կարգավորումը հնարավոր է հիմնապատճառների վերացման հիման վրա։ Այս մասին հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։
Մոսկվան հաստատում է, որ հակամարտության խաղաղ լուծումը հնարավոր է «բացառապես դրա հիմնապատճառների վերացման, Ուկրաինայի՝ չեզոք արտաբլոկային կարգավիճակին վերադառնալու, դրա դեմիլիտարիզացիայի և դենացիֆիկացիայի, Կիևի կողմից մարդու, էթնիկ ռուսների, ռուսալեզու քաղաքացիների, ազգային փոքրամասնությունների ներկայացուցիչների լեզվական, մշակութային, կրոնական իրավունքների ու ազատությունների պահպանման, ինչպես նաև ժողովուրդների ինքնորոշման իրավունքի իրացման արդյունքում ձևավորված ժամանակակից տարածքային իրողությունների ճանաչման հիման վրա», - նշել է դիվանագետը:
«Այս բոլոր նպատակներին, անկասկած, կիրականացվեն կամ քաղաքական-դիվանագիտական միջոցներով, կամ հատուկ ռազմական գործողության միջոցով, որի ընթացքում մարտադաշտում նախաձեռնությունը լիովին պահպանում են Ռուսաստանի Դաշնության զինված ուժերը», - ընդգծել է Զախարովան։
