Հալեպում ՀՀ գլխավոր հյուպատոսությունը հայտարարություն է տարածել
Հայաստանի հյուպատոսությունը շարունակում է իր գործունեությունը Հալեպում։ Այդ մասին տեղեկացնում է Հալեպում ՀՀ գլխավոր հյուպատոսությունը։
Ավելի վաղ հաղորդվել էր, որ Հալեպում իրավիճակը սրվել է․ գնդակոծության են ենթարկվում քրդաբնակ Շեյխ Մաքսուդ և Աշրաֆիա շրջանները, ինչպես նաև բախումներ են սկսվել Սիրիայի անցումային կառավարության զորքերի և քրդական «Սիրիայի դեմոկրատական ուժերի» ջոկատների միջև։
«Տեղեկացնում ենք, որ Հալեպում ՀՀ գլխավոր հյուպատոսությունը շարունակում է իր գործունեությունը՝ ծառայություններ մատուցելով ՀՀ և օտարերկրյա քաղաքացիներին: Հյուպատոսական ծառայությունների վերաբերյալ հարցերի դեպքում գործում են Հալեպում ՀՀ գլխավոր հյուպատոսության հեռախոսահամարները՝ +963 964 422 005, +963 942 000 690»,- նշված է հաղորդագրությունում։
Հիշեցվում է, որ «Սիրիայի դեմոկրատական ուժերի» (ՍԴՈւ) և Դամասկոսի կողմից վերահսկվող ուժերի միջև բախումները տեղի են ունեցել հունվարի 6-ին։ Բախումների հետևանքով Հալեպում 4 մարդ է զոհվել, 26-ը՝ վիրավորվել։
