Պիտի շնորհակալություն հայտնի Թրամփին՝ Վենեսուելայում կատարած գործողությունների համար. ՄԱԿ-ում ԱՄՆ դեսպան
ՄԱԿ-ը պետք է շնորհակալություն հայտնի նախագահ Դոնալդ Թրամփին Վենեսուելայում իրականացված գործողությունների համար, այլ ոչ թե քննադատի նրան։ Այս մասին գրել է ՄԱԿ-ում ԱՄՆ դեսպան Մայք Ուոլցը՝ նշելով, որ ՄԱԿ-ի ավելի քան 50 երկիր Վենեսուելայի նախագահ Նիկոլաս Մադուրոյի իշխանությունը որակել է «անօրինական», և նա այժմ չկա՝ ԱՄՆ-ի գործողությունների արդյունքում։
«Մենք հավատում ենք, որ Վենեսուելայի ժողովրդի, տարածաշրջանի և աշխարհի ժողովուրդների համար ավելի լավ ապագան կայունացնում է տարածաշրջանը և մեր բնակության շրջանը դարձնում շատ ավելի լավ ու անվտանգ։ Եվ սա է պատճառը, որ այս դաժան իշխանությունից փախած միլիոնավոր վենեսուելացիներ տոնում և ծափահարում են ամբողջ աշխարհում», - նշել է ՄԱԿ-ում ԱՄՆ դեսպանը ՄԱԿ-ի Անվտանգության խորհրդի նիստում։
Մայք Ուոլցը նաև նշել է, որ ՄԱԿ-ը և միջազգային մարդու իրավունքների բազմաթիվ կազմակերպություններ հրապարակել են զեկույցներ, որոնք փաստագրում են Մադուրոյի իշխանության կողմից մարդու իրավունքների լուրջ խախտումները, այդ թվում՝ արտադատական սպանությունների, քաղբանտարկյալների, խոշտանգումների և կամայական ու անօրինական կալանավորումների վերաբերյալ հաղորդագրությունները։
