Եվրոպայի մի շարք երկրներում չվերթները չեղարկվել կամ հետաձգվել են
Եվրոպական մի շարք երկրներում տեղացած առատ ձյունը խափանումներ է առաջացրել ավիափոխադրողների աշխատանքում:
Մի շարք օդանավակայաններում չվերթները կամ չեղարկվել են, կամ հետաձգվել։ Առավել բարդ իրավիճակ է ստեղծվել Մեծ Բրիտանիայում, Նիդերլանդներում և Ֆրանսիայում։
Ֆրանսիայում ձյան տեղումների և մերկասառույցի պատճառով իշխանությունները տագնապի նարնջագույն մակարդակ են հայտարարել 26 դեպարտամենտում։ Երկրի որոշ հատվածներում՝ արևմտյան ափի և Իլ դը Ֆրանս շրջանի միջև, կանխատեսվում է մինչև 15 սմ ձյուն։ Եղանակային պայմանների պատճառով Ֆրանսիայի քաղաքացիական ավիացիայի վարչությունը ավիաընկերություններին խնդրել է 15 տոկոսով կրճատել Փարիզից իրականացվող չվերթները։
Ավիափոխադրումների խափանումները շարունակվում են նաև Նիդեռլանդներում։ Ամստերդամի մերձակայքում գտնվող Սխիպհոլ միջազգային օդանավակայանում KLM ավիաընկերությունը երեքշաբթի օրվա համար չեղարկել է առնվազն 300 չվերթ։
