Մեծ Բրիտանիան 70 միլիոն դոլարի ռազմական պայմանագիր է կնքել Գերմանիայի հետ

Մեծ Բրիտանիան և Գերմանիան մոտ 70 միլիոն դոլարի արժողությամբ պայմանագիր են կնքել ժամանակակից հրետանային սարքավորումների մատակարարման համար, ասվում է բրիտանական կառավարության հայտարարության մեջ։

«Մեծ Բրիտանիան 52 միլիոն ֆունտ ստեռլինգի (մոտ 70,3 միլիոն դոլար) պայմանագիր է կնքել Գերմանիայի հետ ժամանակակից հրետանային սարքավորումների մատակարարման համար։ Գործարքի շրջանակներում Մեծ Բրիտանիան կստանա ժամանակակից RCH 155 Early Capability Demonstrator (ECD) հարթակ և ևս երկուսը կուղարկվեն Գերմանիա համատեղ փորձարկումների համար»,- նշված է կառավարության կայքում։

Հայտարարության մեջ նաև նշվում է, որ RCH 155-ը տեղադրված է Boxer զրահափոխադրիչի (APC) վրա և կարող է զարգացնել մինչև 100 կիլոմետր ժամ արագություն և խոցել թիրախներ 70 կիլոմետր հեռավորության վրա։