Թրամփ-Զելենսկի հանդիպումը վկայում է բանակցություններում առաջընթացի մասին
ԱՄՆ նախագահ Դոնալդ Թրամփի և Վլադիմիր Զելենսկու միջև առաջիկա օրերին նախատեսված հանդիպումը, ըստ Axios-ի, վկայում է ուկրաինական հակամարտության կարգավորման բանակցություններում զգալի առաջընթացի մասին։
«Այս հանդիպումը բանակցություններում զգալի առաջընթացի նշան է»,- նշվում է հոդվածում։ Հոդվածի հեղինակ Բարաք Ռավիդը հիշեցրել է Թրամփի խոսքերն այն մասին, որ ինքը կհանդիպի Զելենսկու հետ միայն այն դեպքում, եթե զգա, որ համաձայնագիրը մոտ է։
Ամերիկացի անանուն բարձրաստիճան պաշտոնյան Axios-ին ասել է, որ ԱՄՆ-ն վերջին երկու շաբաթների ընթացքում «ավելի մեծ առաջընթաց» է գրանցել ռուսական և ուկրաինական կողմերի հետ բանակցություններում, քան ամբողջ անցած տարվա ընթացքում։
Դեկտեմբերի 26-ին Kyiv Post-ը, հղում անելով դիվանագիտական աղբյուրներին, հայտնել է, որ Զելենսկին, հավանաբար, դեկտեմբերի 28-ին կմեկնի ԱՄՆ՝ բանակցությունների համար։ Հանդիպումը կարող է տեղի ունենալ Թրամփի Ֆլորիդայի Մար-ա-Լագո նստավայրում։ Զելենսկին ավելի ուշ հաստատել է, որ պայմանավորվածություն է ձեռք բերվել առաջիկա օրերին ԱՄՆ նախագահ Դոնալդ Թրամփի հետ հանդիպելու վերաբերյալ։
