Հայաստանում գրանցված տրանսպորտային միջոցների թիվը հասնում է 1 մլն-ի․ Արփինե Սարգսյան
Հայաստանում գրանցված տրանսպորտային միջոցների թիվը հասնում է 1 մլն-ի։ Այս մասին «Հարցնում է քաղաքացին» հարց ու պատասխանի ժամանակ ասել է ՆԳ նախարար Արփինե Սարգսյանը՝ անդրադառնալով Երևանի խցանումներին։
Նախարարը հիշեցրել է, որ մայրաքաղաքի երթևեկության կազմակերպման պատասխանատուն Երևանի քաղաքապետարանն է, բայց հավելեց, որ քաղաքային իշխանությունների հետ մշտապես գործակցում են։
«Այս տարի հասցրել ենք 31 փոփոխություն իրականացնել հենց նախարարության առաջարկով, ինչը թույլ է տվել բարձրացնել խաչմերուկների թողունակությունը։ Չեն բացառվում նոր փոփոխությունները»։
