ԱՄՆ «վատերից վատագույնների» ցանկում 22 ՀՀ քաղաքացի կա
ԱՄՆ ներքին անվտանգության դեպարտամենտը հրապարակել է երկրում տարբեր հանցագործությունների համար ձերբակալված «վատերից վատագույնների» թարմացված ցանկը:
Թարմացված էլեկտրոնային տվյալների բազան ներառում է աշխարհի տասնյակ երկրներից օտարերկրացիների, որոնք վերջին 11 ամիսների ընթացքում ձերբակալվել են ներգաղթի և մաքսային ծառայության ոլորտներում տարբեր հանցագործությունների համար: Ձերբակալվածների ամենամեծ թիվը Լատինական Ամերիկայի երկրների քաղաքացիներ են:
Տվյալների բազայում ներառված են նաև Ուկրաինայի 27, Հայաստանի 22, Ռուսաստանի 18, Ադրբեջանի 3, Ղազախստանի 3, Ղրղզստանի 2, Բելառուսի 2 և Մոլդովայի 1 քաղաքացի:
