Պուտինը կարող է հրաժարվել դիվանագիտությունից. Զելենսկի
Ուկրաինայի նախագահ Վլադիմիր Զելենսկին հայտարարել է, որ Ռուսաստանի նախագահ Վլադիմիր Պուտինը կարող է դուրս գալ դիվանագիտական գործընթացներից, եթե Եվրոպական միությունը չտրամադրի Ուկրաինային նախատեսվող փոխհատուցման վարկը։
Նրա խոսքով՝ խոսքը մոտ 200 միլիարդ եվրոյի մասին է, որոնք գտնվում են ԵՄ տարածքում, և հարցը ներկայումս կախված է բացառապես քաղաքական կամքից։ Զելենսկին նշել է, որ այդ թեմայով մեկնում է Բրյուսել, որտեղ որոշումը արդեն դրված է օրակարգում։
Նախագահը նաև ընդգծել է, որ ցանկացած պատերազմ ավարտվում է բանակցություններով, սակայն Ուկրաինայի համար կարևոր է դրանք սկսել ուժեղ դիրքերից։
