Ոչ ոք չի հեռանա, քանի դեռ չի լուծվել Ուկրաինայի ֆինանսավորման հարցը. Ուրսուլա ֆոն դեր Լայեն
Եվրոպական հանձնաժողովի նախագահ Ուրսուլա ֆոն դեր Լայենը հայտարարել է, որ Եվրոպական միությունը պարտավոր է արդեն այսօր ընդունել որոշում Ուկրաինայի ֆինանսավորման վերաբերյալ՝ առաջիկա երկու տարիների համար։
Լրագրողների հետ զրույցում՝ Եվրոպական խորհրդի նիստից առաջ, ֆոն դեր Լայենը նշել է, որ ներկայացրել է Ուկրաինայի ֆինանսավորման երկու տարբերակ, որոնք ներկայումս քննարկման փուլում են։
Առաջին տարբերակը նախատեսում է ֆինանսավորում ԵՄ-ի բյուջետային փոխառությունների միջոցով, իսկ երկրորդը՝ այսպես կոչված «ռեպարացիոն վարկի» մեխանիզմի կիրառմամբ։
«Այսօր մենք պետք է քննարկենք, թե որ տարբերակն ենք ընտրելու։ Մենք պարտավոր ենք այսօր լուծում գտնել»,- ընդգծել է Եվրահանձնաժողովի նախագահը։
