Անկեղծ ասած՝ Ուկրաինան արդեն կորցրել է տարածք. Թրամփ
ԱՄՆ նախագահ Դոնալդ Թրամփը հայտարարել է, որ Ուկրաինան կորցրել է իր տարածքի մի մասը։ Այս հայտարարությունն արվել է Սպիտակ տանը տեղի ունեցած մամուլի ասուլիսի ժամանակ։
«Անկեղծ ասած՝ նրանք արդեն կորցրել են տարածք։ Տարածքը կորել է», - ընդգծել է ամերիկացի առաջնորդը։
Թրամփը նաև նշել է, որ Միացյալ Նահանգները զգալի առաջընթաց է գրանցել ուկրաինական ճգնաժամի լուծման գործում։
ԱՄՆ նախագահը հայտարարել է, որ Վաշինգտոնը և եվրոպական երկրները համատեղ աշխատում են Ուկրաինայի անվտանգության երաշխիքներ ապահովելու ուղղությամբ, և ակնկալվում է, որ Եվրոպան նշանակալի դեր կխաղա այս գործընթացում։
