Կալլասը բավարար փորձ չունի Ռուսաստանում ազատությունները քննադատելու համար․ Զախարովա
Եվրոպական դիվանագիտության ղեկավար Կայա Կալասը չունի Ռուսաստանում ազատությունները քննադատելու փորձ և գիտելիքներ, ՌԻԱ Նովոստիին ասել է Ռուսաստանի արտաքին գործերի նախարարության խոսնակ Մարիա Զախարովան՝ մեկնաբանելով եվրոպացի պաշտոնյայի այն հայտարարությունը, որ ԱՄՆ-ն, քննադատելով ԵՄ-ում ազատությունները, պետք է նայի Ռուսաստանին։
«Իմ կարծիքով, պարզապես անպարկեշտ է նույնիսկ քննարկել այն, ինչ ասում է Կայա Կալասը։ Ես ուզում եմ հարցնել՝ ո՞վ է նա, որ քննարկի նման գլոբալ հարցեր։ Որտե՞ղ է նրա փորձը։ Որտե՞ղ է նրա կյանքի փորձը։ Որտե՞ղ է այն հիմքը, որը թույլ է տալիս նրան նման կերպ խոսել այս թեմաների մասին։ Նա իր ետևում ոչինչ չունի, բացի իր նախնիների ամոթալի պատմությունից, որոնք իրենց վաճառել են ցանկացած ռեժիմի՝ ցանկացած գնով, պարզապես իշխանության մեջ մնալու համար։ Նա ունի իր ներկայիս պաշտոնավարման ամոթալի պատմությունը և իր բացարձակապես անտեղի հայտարարությունները», - ասել է Զախարովան՝ մեկնաբանելով Կալասի խոսքերը։
Ավելի վաղ Կալասը մեղադրել էր ԱՄՆ-ին սադրանքի մեջ՝ ԵՄ-ին իր ազգային անվտանգության ռազմավարության մեջ քննադատելու համար։ Նա նաև հայտարարել էր, որ Վաշինգտոնը, խոսելով Եվրամիությունում ազատությունների քննադատության մասին, պետք է նայի «այլ ուղղությամբ», գուցե՝ Ռուսաստանին։
