Բայրամովը մեկնաբանել է հայ–ադրբեջանական վերջին զարգացումները

Ադրբեջանա-իրանական հարաբերությունները զարգանում են բարձր մակարդակի այցելությունների շնորհիվ և նոր թափ են ստանում: Այս մասին հայտարարել է Ադրբեջանի արտաքին գործերի նախարար Ջեյհուն Բայրամովը իր իրանցի գործընկեր Աբբաս Արաղչիի հետ համատեղ մամուլի ասուլիսում:

«Մեր երկրների և ժողովուրդների միջև կան խորը պատմական և կրոնական արմատներ։ Ադրբեջանը միշտ հետաքրքրված է տեսնելու իրանա-ադրբեջանական հարաբերությունների զարգացումը բարեկամության ոգով, և այդ ուղղությամբ քայլեր են ձեռնարկվում։ Այս առումով 2025 թվականը դարձել է շատ կարևոր տարի», - նշել է նախարարը։

Նախարարը հավելել է, որ «հյուրին մանրամասն տեղեկացրել է Հայաստանի և Ադրբեջանի միջև վերջին զարգացումների մասին»։

«Ես նրան տեղեկացրեցի «օկուպացիայից ազատագրված տարածքներում» վերականգնողական և շինարարական աշխատանքների, ինչպես նաև այնտեղ ավելի քան 50,000 մարդկանց վերադարձի մասին», - նշել է նախարարը։

Հիշեցնենք՝ ավելի վաղ հայտնել էինք՝ Ջեյհուն Բայրամով ասել է՝ Հայաստանը որևէ պատճառ չունի չընդունելու Ադրբեջանի առաջարկը։