ԵՄ իշխանությունները տեխնոլոգիական ընկերությունների վրա կիրառում են անիրագործելի կանոններ. Դուրով

Telegram-ի հիմնադիր Պավել Դուրովը հայտարարել է, որ ԵՄ իշխանությունները տեխնոլոգիական ընկերությունների վրա կիրառում են անիրագործելի կանոններ։

«ԵՄ-ն կիրառում է անիրագործելի կանոններ՝ պատժելու այն տեխնոլոգիական ընկերություններին, որոնք հրաժարվում են լուռ սահմանափակել խոսքի ազատությունը։ Մենք նույնը տեսանք Ֆրանսիայում՝ անհիմն «քրեական հետաքննություն», իսկ հետո հետախուզական ծառայությունները առաջարկեցին իրենց օգնությունը, եթե Telegram-ը լուռ գրաքննի խոսքը Ռումինիայում և Մոլդովայում», - գրել է Դուրովը X-ում։

Նշենք, որ մեկ օր առաջ Եվրահանձնաժողովի խոսնակ Թոմաս Ռենիեն հայտարարել էր, որ ԵՄ իշխանությունները X-ին տուգանել են 120 միլիոն եվրոյով՝ «Թվային ծառայությունների մասին» օրենքը խախտելու համար։ Նա նշել է, որ որոշումը կապված չէ հարթակում գրաքննության կամ բովանդակության մոդերացիայի հետ։ Ռենիեն պարզաբանել է, որ սա առաջին անգամն է, որ տուգանք է կիրառվում այս օրենքի համաձայն։