Թրամփը կարևորում է հակամարտության արագ ավարտը. Պուտին
ՌԴ նախագահ Վլադիմիր Պուտինի խոսքերով՝ ԱՄՆ նախագահ Դոնալդ Թրամփը պատրաստ է աջակցել այնպիսի բանակցային գործընթացի, որը կարող է արագացնել Ուկրաինայում ռազմական գործողությունների դադարեցումը։ Պուտինը նշել է, որ Թրամփը «հումանիտար նկատառումներով» կարևորում է հակամարտության արագ ավարտը, քանի որ իրավիճակը շարունակում է ծանր հետևանքներ ունենալ բնակչության համար։
India Today–ին տված հարցազրույցում Պուտինը նաև անդրադարձել է ԱՄՆ–Ռուսաստան տնտեսական հարաբերություններին։ Նրա խոսքով՝ բազմաթիվ ամերիկյան ընկերություններ վերջին ամիսներին փորձել են գտնել ուղիներ վերադառնալու ռուսական շուկա՝ պահպանված հետաքրքրության և առկա հնարավորությունների պատճառով։
Պուտինը ընդգծել է, որ Մոսկվան բաց է համագործակցության համար, սակայն վերադարձի գործընթացը կախված է այն քաղաքական պայմաններից, որոնք ձևավորվում են երկու երկրների ղեկավարությունների որոշումների արդյունքում։
