Թանկարժեք մետաղների արտահանման համար 6-ամսյա քվոտա սահմանվեց
Կառավարությունն իր այսօրվա՝ դեկտեմբերի 4-ի նիստում որոշում կայացրեց, որով Հայաստանից 3-րդ երկրներ արտահանվող թանկարժեք մետաղների կամ թանկարժեք մետաղներով պատված մետաղների նկատմամբ 6-ամսյա քվոտա սահմանվեց։
Քվոտան կգործի դեկտեմբերի 5-ից և ուժի մեջ կլինի մինչև 2026 թ. հունիսի 5-ը։ Այն կկիրառվի ոսկերչական արտադրատեսակների, վարպետների ձեռքով պատրաստված ոսկյա և արծաթյա արտադրատեսակների դեպքում։
Հիշեցնենք, որ այս տարվա ապրիլի 16-ին Եվրասիական տնտեսական հանձնաժողովի կոլեգիան որոշումն ընդունեց այն մասին, որ թանկարժեք մետաղների առանձին կատեգորիաների ներմուծումը և արտահանումը կազատականացվեն։ Խոսքն այն ապրանքների մասին էր, որոնցում թանկարժեք մետաղների բաղադրությունը չի գերազանցում 2 տոկոսը:
