ԱՄՆ Պետդեպարտամենտն անդրադարձել է Հայաստանի և Ադրբեջանի միջև խաղաղությանը
Ե՛վ Միացյալ Նահանգները, և՛ Կենտրոնական Ասիայի երկրները հետաքրքրված են Հայաստանի ու Ադրբեջանի միջև երկարատև խաղաղությամբ, որն առաջարկում է «Թրամփի միջազգային խաղաղության և բարգավաճման ուղին» (TRIPP)։ Այս մասին հայտարարել է ԱՄՆ Պետդեպարտամենտի մամուլի ծառայությունը՝ ադրբեջանական ԶԼՄ-ների փոխանցմամբ։
Հայտարարության մեջ ընդգծվում է, որ վերջերս նշվել է C5+1 տարածաշրջանային դիվանագիտական հարթակի 10-ամյակը։
«Վաշինգտոնում C5+1 հանդիպումների ժամանակ մենք ընդգծեցինք Հայաստանի և Ադրբեջանի ջանքերը՝ տարածաշրջանային համագործակցության և բարգավաճման հնարավորություններն ընդլայնելու համար: Մենք մտադիր ենք համատեղ աշխատել այդ հնարավորությունները մեծացնելու համար», - ասվում է հայտարարության մեջ:
