Վիլեն Գաբրիելյանը հայտնել է ինքնառաջադրման մասին
ԱԺ նախկին պատգամավոր Վիլեն Գաբրիելյանը ֆեյսբուքյան իր էջում հրապարակմամբ տեղեկացրել է, որ ինքնառաջադրվել է «Քաղաքացիական պայմանագիր» կուսակցության՝ 2026 թվականի հերթական խորհրդարանական ընտրությունների համամասնական ցուցակում ընդգրկվելու նպատակով։
Նա իր գրառման մեջ կոչ է արել. «Եղե՛ք զգոն, հավասարակշիռ, սառնասիրտ, ուժեղ, տոկուն»։
Գրառումն ավարտվել է ստորագրությամբ. «Հարգանքով՝ Վիլեն Գաբրիելյան, «Քաղաքացիական պայմանագիր» կուսակցության վարչության անդամ»։
