Երմակը հրաժարական տվեց ԱՄՆ մեկնելուց մեկ օր առաջ
Վլադիմիր Զելենսկու աշխատակազմի ղեկավար Անդրեյ Երմակի հրաժարականը տեղի է ունեցել նրա Մայամի կատարելիք այցից մեկ օր առաջ՝ ԱՄՆ նախագահ Դոնալդ Թրամփի թիմի հետ խաղաղության բանակցությունների համար, հաղորդում է Axios-ը՝ հղում անելով ուկրաինացի երկու պաշտոնյաների։
Ավելի վաղ Վլադիմիր Զելենսկին ստորագրել էր Երմակին աշխատանքից ազատելու հրամանագիր։ Գերագույն Ռադայի խոսնակ Յարոսլավ Ժելեզնյակն էլ հայտնել էր, որ Ուկրաինայի ազգային հակակոռուպցիոն բյուրոն (NABU) և կոռուպցիայի դեմ պայքարի մասնագիտացված դատախազությունը (SAPO) խուզարկություններ են անցկացնում Երմակի տանը՝ Ուկրաինայի էներգետիկ ոլորտում բռնկված կոռուպցիոն սկանդալի ֆոնին։
