Եթե Եվրամիության երկրները որոշեն կրկին համագործակցել Ռուսաստանի հետ, Մոսկվան չի առարկի․ Պուտին

Եթե Եվրամիության երկրները որոշեն կրկին համագործակցել Ռուսաստանի հետ, Մոսկվան չի առարկի։ Այս մասին հայտարարել է Ռուսաստանի նախագահ Վլադիմիր Պուտինը։

Նա նշել է, որ Եվրոպան պետք է հաշվի առնի ռուսական շուկայում ստեղծված իրավիճակը, որտեղ շատ պատուհաններ զբաղեցնում են տեղական բիզնեսները։

Ըստ ՌԴ նախագահի՝ էներգետիկ ոլորտում Ռուսաստանի հետ համագործակցությունից հրաժարվելը բացասաբար է ազդել ԵՄ երկրների վրա։ Որպես օրինակ՝ Ռուսաստանի նախագահը բերել է Գերմանիայում ստեղծված իրավիճակը, որտեղ, ըստ նրա, տնտեսությունն արդեն երրորդ տարին է, ինչ գտնվում է անկման մեջ։

Հոկտեմբերին ԵՄ խորհուրդը հաստատել է ռուսական գազի փուլային դուրսբերումը 2026 թվականից՝ մինչև 2028 թվականը անցումային ժամանակահատվածով։ Հունգարիան և Սլովակիան դեմ են արտահայտվել այդ ծրագրին։ Հունգարիայի իշխանությունները հայտարարել են, որ կշարունակեն ռուսական գազ գնել, քանի որ դրա փուլային դադարեցումը երկրին 10 միլիարդ դոլար կարժենա։