Շոու-բիզնեսի ներկայացուցիչների հայտարարագրումների թիվն ավելանում է․ ՊԵԿ նախագահ

Շոու-բիզնեսի 20 ներկայացուցիչ միացել է ՊԵԿ նախագահ Դավիթ Անանյանի հորդորին և սկսել է հայտարարագրել սեփական եկամուտները։

Լրագրողների հետ հանդիպմանը Դավիթ Անանյանը նշեց, որ շոու-բիզնեսի ներկայացուցիչների հայտարարագրումների թիվն ավելանում է։

«Քրեական գործերի վերաբերյալ ձեռնպահ կմնամ, որովհետև նախաքննությանը չեմ միջամտի։ Անուններ չեմ հնչեցնի, բայց կարևորն այդ գործերը չեն։ Կարևորն այն է, որ մարդկանց մոտ առաջացել է հարկ վճարելու, եթե ոչ մշակույթ, ապա գոնե հետաքրքրություն։ Եթե մարդիկ տարիներ շարունակ չեն մտածել, որ հարկ վճարելը պետք է, նաև սահմանադրական առումով անձի իրավական պարտականությունն է, արդեն մարդիկ կան, որոնք հետաքրքրվում են իրենց սահմանադրական պարտականությունների կատարմամբ»,- ասաց ՊԵԿ նախագահը։