Ստամբուլում բանակցություններն ընթանում են առանց Մոսկվայի մասնակցության. Պեսկով

Ռուսաստանի նախագահի մամուլի քարտուղար Դմիտրի Պեսկովը լրագրողների հետ զրույցում ասել է, որ Թուրքիայում բանակցություններն ընթանում են առանց Մոսկվայի մասնակցության։

Ավելի վաղ հայտնի դարձավ, որ ԱՄՆ նախագահի հատուկ ներկայացուցիչ Ուիթքոֆֆը կայցելի Ստամբուլ և կմասնակցի Ուկրաինայի նախագահ Վլադիմիր Զելենսկու հետ բանակցություններին։

«Առայժմ այս շփումները ընթանում են առանց Ռուսաստանի մասնակցության», - նշել է Կրեմլի խոսնակը։

Ըստ Պեսկովի՝ Պուտինը բաց է զրույցի համար, եթե Ուիթքոֆֆը կամ Թուրքիայի կառավարության ներկայացուցիչները անհրաժեշտ համարեն նրան տեղեկացնել Ստամբուլում կայանալիք հանդիպումների մասին։

Պեսկովը նաև ասել է, որ Մոսկվան Կիևից որևէ հաղորդագրություն չի ստացել բանակցությունները վերսկսելու մտադրության մասին։