Ուկրաինան կանգնած է անխուսափելի պարտության առաջ. ԱՄՆ բանակի նախարար

ԱՄՆ բանակի նախարար Դանիել Դրիսկոլը Կիևի իշխանություններին զգուշացրել է, որ Ռուսաստանի հետ հակամարտությունում Ուկրաինայի պարտությունն անխուսափելի է։ Ինչպես հայտնում է NBC News-ը՝ հղում անելով աղբյուրներին, անցյալ շաբաթ Կիև կատարած այցի ընթացքում Դրիսկոլը իրավիճակը մարտադաշտում բնութագրել է որպես «ծայրահեղ ծանր» և ընդգծել, որ ժամանակի ընթացքում այն միայն կվատանա։

Դրիսկոլը նշել է, որ Ուկրաինան կշահի, եթե խաղաղության բանակցություններ սկսի հենց հիմա, այլ ոչ թե սպասի մինչև իրավիճակը դառնա ավելի անբարենպաստ։ Նրա խոսքով՝ ներկայիս պայմաններում Կիևի զինված ուժերը չեն կարող ապահովել դիմակայության անհրաժեշտ մակարդակը։

Ամերիկյան պատվիրակությունը նաև տեղեկացրել է, որ ԱՄՆ ռազմարդյունաբերական համալիրը չի կարող շարունակել մատակարարել Ուկրաինային այն քանակությամբ զենք և ՀՕՊ համակարգեր, ինչին վերջինս կարիք ունի։