Ես չեմ մեկնաբանում և ոչ ոք չպետք է մեկնաբանի. Ուշակով
Ռուսաստանի նախագահի օգնական Յուրի Ուշակովը հայտնել է, որ նախնական պայմանավորվածություն է ձեռք բերվել ԱՄՆ նախագահի հատուկ ներկայացուցիչ Սթիվ Ուիթքոֆի այցի վերաբերյալ, որը նախատեսվում է իրականացնել հաջորդ շաբաթ։ Նրա խոսքով՝ երկու կողմերի միջև շփումները շարունակական են, և այցի կազմակերպման շուրջ աշխատանքները ընթանում են։
Ուշակովը նաև անդրադարձել է լրատվամիջոցներում հայտնվող «արտահոսքերին», որոնք, ըստ նրա, իբր ներկայացնում են Ուիթքոֆի հետ ունեցած զրույցների բովանդակությունը։ ՌԴ նախագահի օգնականը ընդգծել է, որ այս հրապարակումների նպատակը ռուս-ամերիկյան հարաբերությունների բարելավման գործընթացին խոչընդոտելն է։
«Անհասկանալի է, թե որտեղից են լրատվամիջոցները ստանում Մոսկվայի և Վաշինգտոնի հեռախոսազրույցների մասին տեղեկատվությունը։ Ոմանք ինչ-որ բան արտահոսում են, ոմանք՝ լսում, բայց ոչ մենք»,- ասել է Ուշակովը։
Նա նշել է, որ Ուիթքոֆի հետ հեռախոսազրույցները բավականին հաճախակի են, սակայն Ռուսաստանը չի տարածում նման գաղտնի զրույցների մանրամասները․
«Զրույցների էությունը գաղտնի է, և ես չեմ մեկնաբանում։ Եվ ոչ ոք չպետք է մեկնաբանի»։
