Ուկրաինայի կարգավորման ծրագիրը պետք է արժանանա Ռուսաստանի համաձայնությանը

ԱՄՆ-ում նշել են, որ Ուկրաինայի շուրջ մշակվող կարգավորման ցանկացած նախաձեռնություն կարող է առաջընթաց գրանցել միայն այն դեպքում, եթե համաձայնություն տա նաև Ռուսաստանի Դաշնությունը։ Այս մասին  լրագրողների հետ զրույցում ասել է Սպիտակ տան մամուլի քարտուղար Քերոլայն Լևիթը։

Նրա խոսքով՝ Վաշինգտոնը գնահատում է, որ ներկայում գտնվում է համագործակցության համար բավարար վիճակում, սակայն անհրաժեշտ է, որ ծրագրում ընդգրկված բոլոր դրույթները համաձայնեցվեն գործընկերների հետ։ Լևիթն ընդգծել է, որ գործընթացում կարևոր է ապահովել նաև Մոսկվայի համաձայնությունը, քանի որ հակամարտության կողմերից յուրաքանչյուրը պետք է ընդունի առաջարկվող պայմանները։

Նա նաև ընդգծել է, որ ԱՄՆ նախագահ Դոնալդ Թրամփը «մեծ գովասանքի է արժանի» այն ջանքերի համար, որոնք նա գործադրում է երկու կողմերին՝ Մոսկվային և Կիևին , ուկրաինական հակամարտությանը վերջ դնելու համար։